Жалал-Абад облусунун ички иштер башкармалыгынын басма сөз кызматы Reporter.kgге билдиргендей, Токтогул районунда үч жигит зордуктоого шектелип кармалды. Милициянын маалыматына караганда, шектүүлөрдүн арасында жашы жете элек өспүрүм да бар.

20 ноябрда Токтогул райондук ички иштер бөлүмүнө 14 жаштагы кызды зордуктоо фактысы боюнча арыз түшкөн. Кыздын атасынын айтымында, үч жигит аны 2025-жылдын июнь айынан 20 ноябрга чейин системалуу түрдө зордуктап келген. Бул факт боюнча Кылмыш-жаза кодексинин «Зордуктоо» беренеси менен кылмыш иши козголгон.

Бүгүн, 21 ноябрда, ыкчам кызматкерлер шектүү катары жергиликтүү жашоочулар — 27 жаштагы Э.К., 19 жаштагы С.К. жана 15 жаштагы Б.Ж. аттууларды кармап, камакка алышкан. Тергөө амалдары уланууда.