Трамп бул тууралуу Польшанын президенти Анжей Дудага кабар берип, Варшавага кийин бара турганын билдирди. Бейшемби күнү ал америкалык делегацияны вице-президент Майк Пенс жетектеп барарын жарыялады.
Маалыматтарга караганда, Дональд Трамп Польшада Экинчи дүйнөлүк согуштун башталганынын 80 жылдыгына арналган иш-чарага катышмак.
«Дориан» бороону АКШнын жээктерине ишемби күнү жетет деп күтүлүүдө. Синоптиктердин божомолуна ылайык, ал Флорида аймагындагы акыркы 27 жылдан берки эң каттуу бороон болуп калышы мүмкүн.
