Жаан-чачындуу аба ырайына байланыштуу Түндүк — Түштүк альтернативдик унаа жолунун үч тилкесинде сел жүрдү. Бул тууралуу Транспорт жана коммуникациялар министрлиги билдирет.

Маалыматка ылайык, жолдун үч бөлүгүндө сел жүрүп, унаалардын кыймылына тоскоолдуктарды жараткан. Учурда жол кызматтары трассаны тазалоо жана унаалардын өтүүсүн калыбына келтирүү үчүн атайын техникаларды тартышты.

Мекеме айдоочуларды убактылуу чектөөлөргө түшүнүү менен мамиле кылууга, сак болууга жана жооптуу кызматтардын көрсөтмөлөрүн так аткарууга чакырды.