Бишкекте 20 жаштагы жаран уурулукка шектелип кармалды. Бул тууралуу шаардын Ленин райондук милициясы билдирди.

Маалыматта айтылгандай, райондук милицияга жаран кайрылып, белгисиз адам анын Ш.Руставели көчөсүндөгү үйүнө кирип, 5 миң сомдук бут кийимди, алтын буюмдарды жана банк картасын уурдап кеткенин билдирген. Ошондой эле картадан 160 миң сом акчаны чыгарып алганын айткан.

Аталган факт боюнча Кылмыш-жаза кодексинин 205-беренесине (уурдоо) ылайык кылмыш иши козголгон.

Ыкчам-издөө иштеринин жыйынтыгында кылмышка шектүү катары 20 жаштагы К.Н. аттуу жаран кармалган. Шектүү эч жакка кетпөө чыкпоо тилкаты менен бошотулган.

Учурда тергөө уланып жатат.