Кыргызстандык «Ысык-Көл Круиз» ишканасы менен түркиялык «E2 Denizcilik Yachts» кеме куруучу ишканасынын өкүлдөрү Ысык-Көлдө кеме куруучу завод куруу боюнча келишимге кол коюшту. Бул тууралуу Тышкы иштер министрлигинин басма сөз кызматы билдирди.

Маалыматка ылайык, аталган инвестициялык документке Кыргызстандын Анталия шаарындагы башкы консулдугунда кол коюлду. Анда деңиз туризм тармагында биргелешкен долбоорлорду ишке ашыруу да камтылган.

“Келишим кемелерди куруу тармагын, Ысык-Көл боюнча жүргүнчүлөрдү ташуу кызматтарын жана аймактагы туристтик инфраструктураны өнүктүрүүгө багытталган”,- деп билдирди ТИМ.