Казакстандын Түркстан облусундагы Мактаарал районунда «Борбордук Азия» эл аралык өндүрүштүк кызматташтык борборунун курулушу башталды. Бул тууралуу аталган облустун акиматы билдирди.

Маалыматка ылайык, аталган борбор «Атамекен» бажы бекетинин жанында жайгашып, Казакстан менен Өзбекстандын экономикалык кызматташтыгы үчүн маанилүү аянтча болот. Курулуш иштерин казакстандык «TCL gr.» компаниясы жүргүзүүдө. Борборду 2027-жылы ишке берүү пландалган.

Бүгүнкү күндө аймакта зарыл болгон инфраструктураны түзүү иштери жүрүүдө: автоунаа жана темир жолдор курулуп, электр камсыздоо, суу менен жабдуу, канализация жана телекоммуникация системалары тартылууда. Долбоодо инновациялык жана энергияны үнөмдөөчү технологияларды колдонуу каралган.