Ош, Жалал-Абад жана Баткен облустарында 50 жаштан жогору жарандардын көзү текшерилет. Изилдөөнүн максаты — калк арасындагы көз ооруларынын себептерин аныктап, офтальмологиялык кызматтардын жеткиликтүүлүгүн жана сапатын баалоо.

Мурдагы — 2017 жана 2019-жылдардагы — изилдөөлөр көрсөткөндөй, көрүүнүн начарлашын 80%га чейин алдын алууга болот. Негизги себептер — катаракта, глаукома жана көзгө өз учурунда кам көрбөө.

Жаңы изилдөөнүн жыйынтыгы көз ооруларын алдын алуу жана дарылоо боюнча программаларды иштеп чыгууга негиз болот.