Чүй облусунда уурулукка шектелген жаран кармалды. Бул тууралуу облустук милициядан билдиришти.

Маалыматка караганда, уурулук быйыл 20-мартка караган түнү саат 03:00-05:00дор арасында болгон. Белгисиз адам Новопокровка айылынын тургунунун үйүнө кирип, курткасынын чөнтөгүндөгү 10 миң долларды уурдап кеткен.

Аталган факт боюнча “уурулук” беренеси менен кылмыш иши козголгон.

Иликтөөнүн жүрүшүндө кылмышка шектүү катары мурда бир нече жолу соттолгон 34 жаштагы Т.С. аттуу жаран кармалган. Ал убактылуу кармоочу жайга камакка алынды.

Тергөө иштер уланууда.