Түркия тарап Кыргызстанга 150 мин доза Sinovac вакцинасын берээрин Саламаттыктыкты сактоо министри Алымкадыр Бейшеналиев менен Түркиянын Кыргыз өлкөсүндөгү атайын жана ыйгарым укуктуу элчиси Ахмет Садык Доган мырзанын кездешүүсүндө белгилүү болгон. Бул маалыматты аталган министрликтин басма-сөз кызматы таратты.
Аталган вакцинаны качан берилээри так айтылган эмес. Буга чейин да Түрк өкмөтү COVID-19 пандемиясына каршы күрөштө, медициналык жактан жардам катары материалдык-техникалык базаны чыңдоодо чоң колдоо көрсөтүп келет. Эң заманбап жабдуулар менен жабдылган мамлекеттик Кыргыз-Түрк достук ооруканасы иштей баштаган.
