Эркин күрөш боюнча балбан Эрназар Акматалиев (70 кг) Түркиядагы Yaşar Doğu&Vehbi Emre эл аралык мелдешинин жарым финалына чыкты.
Акматалиев таймашты 1/8 финалдан баштап, биринчи беттешинде дагы бир кыргызстандык спортчу Алибек Осмонов менен күрөштү. Кармаш 7:6 эсебинде аяктап, Акматалиев жеңүүчү болду.
Чейрек финалдагы кийинки беттештинде ал тажикстандык спортчу Мустафо Ахмедов менен күч сынашты. Беттештин биринчи бөлүгүндө атаандашы 2 упай алып, алдыга чыкты.
Экинчи бөлүктө тажикстандык балбандын пассивдүү күрөшү Акматалиевге 1 упай берилди. Андан кийин Акматалиев 2 упайлык ыкма жасап, аны менен бирге атаандашынын далысын килемге басып таза жеңишке жетти.
