Энергетика министрлиги маалымдагандай, Үч-Коргон ГЭСин реконструкциялоо иштери күчөтүлгөн режимде жүрүүдө. Министрлик акыркы 4 жылда эскирген гидроагрегаттарды жаңылоого өзгөчө көңүл буруп, генерацияны көбөйтүү максатында иштерди активдештирди.

Учурдагы абал:

• «Электр станциялар» ААКнын Үч-Коргон ГЭСинин экинчи гидроагрегатынын реконструкциясы жүрүүдө, зарыл жабдуулардын 94%ы жеткирилген;
• Жумушчу топ күз-кыш мезгилине карата агрегатты өз убагында ишке киргизүү үчүн иштерди жүргүзүүдө.

Аткарылып жаткан негизги иштер:

• №3 гидроагрегат: башкаруу шкафтарын жөнгө салуу, көзөмөл кабелдерин төшөө, жумушчу дөңгөлөктү чогултуу, жөнгө салуу системасынын түтүктөрүн монтаждоо, НА канаттарын орнотуу жана жабдууларды борборлоштуруу;
• Ротор ГГ-3: ротордун үстүнкү кысуучу планкасынын ширетүү иштери аяктады;
• Май чарба системасы: түтүктөрдү монтаждоо;
• Туруктуу көтөрүү механизми АРЗ ТВ: лебёдка механизминин пайдубалын орнотуу жана СУР ГА-3түн паздарын лазердик тазалоо (жогорку бьефте).
• Иштерди ноябрь айына бүтүрүү;
• Экинчи агрегат алмаштырылгандан кийин станциянын кубаттуулугу 9 МВтка жогорулайт.