«Учур» жаштар театрынын 5-октябрга белгиленген жаңы сезонунун ачылышы жана «Чиркин өмүр» спектаклинин көрсөтүлүшү 6-октябрга жылдырылды. Бул тууралуу Маданият министрлиги билдирди.

Мекеменин маалыматында, 5-октябрга сатылып алынган билеттер 6-октябрдагы көрсөтүүгө жарактуу.

В. Л. Гуркиндин «Сүйүү жана көгүчкөндөр» пьесасынын негизинде сахналаштырылган бул комедия 6-октябрда саат 18:00дө Б. Кыдыкеева атындагы Кыргыз мамлекеттик жаш көрүүчүлөр театрында өтөт. Спектаклдин коюучу-режиссёру — Кыргыз Республикасынын Эл артисти Уланмырза Карыпбаев. Чыгармада үй-бүлөлүк мамилелер, сүйүү, ишеним жана адамдык баалуулуктар юмор аркылуу баяндалат.