УКМКнын маалыматына караганда, козголгон кылмыш ишинин алкагында жүргүзүлгөн ыкчам-иликтөө иштеринин жыйынтыгында Сузак районунун тургундары «Б.У.Э.», «Г.И.А.» жана «Р.М.М.» кармалган.

Алар мамлекеттик маанидеги документтерди — паспортторду, туулгандыгы тууралуу күбөлүктөрдү, айдоочулук күбөлүктөрдү, орто жана жогорку билими тууралуу күбөлүктөрдү даярдап, акчага сатуу менен алектенип жүргөнү аныкталды.

Тинтүү учурунда:

• коргоо белгилери бар жасалма паспорттор,
• айдоочулук күбөлүктөр,
• ар кандай багыттагы күбөлүктөр,
• нотариалдык ишеним каттардын бош нускалары,
• туулгандыгы жана нике тууралуу күбөлүктөр,
• атайын техникалык жабдуулар табылып, алынган.

Ошондой эле, айрым документтер чет өлкөдө жасалып, Кыргызстанда сатылып келгени белгилүү болду.

Кармалгандар УКМКнын тергөө абагына эки айга камакка алынды. Тергөөнүн жүрүшү уланууда.