Улуттук коопсуздук боюнча мамлекеттик комитет (УКМК) Ысык-Көл облусунда уюшкан кылмыштуу топтордун мүчөлөрү катары каттоодо турган адамдарга түшүндүрүү жана эскертүү иштерин жүргүздү.

Атайын кызматтын маалыматында, УКМКнын аймактык башкармалыгынын жетекчилиги кылмыштуу чөйрөнүн өкүлдөрүнө мыйзамсыз иш-аракеттерди жандандырууга, кылмыштуу топтор менен байланыш сактоого жана кылмыштуу идеологияны жайылтууга жол берилбестиги тууралуу расмий эскертүү берген.

УКМК жарандарга басым көрсөтүү, опузалап талап кылуу жана кылмыштуу салттарды жандандыруу аракеттерине бөгөт коюларын эскертет. Мыйзам бузуу фактыларына укуктук баа берилип, күнөөлүү адамдар кылмыш-жаза мыйзамдарынын алкагында жоопкерчиликке тартылат.