УКМК кызматкерлери Нарын облусунун жергиликтүү өз алдынча башкаруу органдарынын жана муниципалдык кызматтарынын кызмат адамдары тарабынан жайыттарды пайдалануу үчүн акы чогултууда каржылык мыйзам бузуу фактыларын аныкташты.

Калктан чогултулган каражаттар жергиликтүү бюджетке толук көлөмдө түшкөн эмес. Финансы министрлигинин Ички аудит кызматы тарабынан облустун 27 айыл аймагында жүргүзүлгөн текшерүүнүн жыйынтыгы боюнча келтирилген зыяндын көлөмү 36 миллион сомдон ашык сумманы түздү.

Учурда тергөө иш-чаралары жүргүзүлүүдө. Укук коргоо органдары тиешелүү кызмат адамдарынын катыштыгын тактап, каражаттарды мамлекетке кайтаруу боюнча чараларды көрүүдө.