Зеленский Валерий Жовтенкону Украинанын Кыргызстандагы Атайын жана ыйгарым укуктуу элчиси кызматынан бошотту. Документке 2026-жылдын 3-августунда кол коюлган. Жарлыкта кадрдык чечимдин себептери айтылган эмес.

Мындан тышкары, ошол эле күнү Украинанын АКШдагы элчиси Ольга Стефанишина, Австриядагы элчиси Василий Химинец, Тажикстандагы элчиси Валерий Евдокимов, Тунис жана Ливиядагы элчиси Владимир Хоманец, ошондой эле Сингапур жана Брунейдеги элчиси Екатерина Зеленко кызматтарынан бошотулду.

Ошондой эле Владимир Омельченко Украинанын ЮНЕСКОдогу туруктуу өкүлү кызматынан бошотулду. Бул кызматка Виктория Лялина-Бойко дайындалды.

Валерий Жовтенко Украинанын Кыргызстандагы дипломатиялык миссиясын 2018-жылдын августунан бери жетектеп келген. Украинанын Кыргызстанга жаңы элчисин дайындоо тууралуу маалымат азырынча жарыялана элек.