Кыргызстандын Улуттук банкы бардык коммерциялык банктарга акча которууларды сом жана которулган валютада жүргүзүүнү эскертти. Бул тууралуу Жогорку Кеңештин жыйынында төраганын орун басары Нурбек Жеңиш билдирди.
Анын айтымында, банктар которулган валютада акча чыгарууга милдеттүү.
«Эгерде акча Орусиядан рубль менен которулса, анда ал рубль менен берилиши керек. Келечекте катаал чараларды көрөбүз деп эскерткенбиз», — деди Нурбек Жеңиш.
Депутат Дастан Жумабеков коммерциялык банктар Орусиядан которуулар үчүн комиссияны 5 пайызга чейин көтөргөнүн билдирди.
Улуттук банктын төрагасынын орун басары коммерциялык банкка аларды кыскартуу тапшырмасы берилгенин белгиледи.
«Биз бардык банктардан маалымат алдык. Кээ бирлери комиссияны 5 пайызга чейин көтөрүштү, бирок көпчүлүк үчүн ал бирдей деңгээлде. Азыр которуулар үчүн комиссия 0,5-5 пайызды түзөт», — деди ал.
