Улуттук банк 2024-жылы тапкан 100% кирешесин өлкө бюджетине которот. Тиешелүү мыйзам долбоорун Жогорку Кеңеш үч окууда кабыл алды.

Мыйзам долбоорун министрлер кабинети демилгелеген. Эми ал президенттин кол коюусуна жөнөтүлөт.

Эскерте кетсек, 27-январда Жогорку Кеңештин комитетинин жыйынында Улуттук банктын төрагасынын орун басары Мелс Аттокуров 2024-жылы Улуттук банк болжол менен 15-20 млрд сом тапканын, азыр тактоо иштери жүрүп жатканын, анын жыйынтыгы менен аталган сумма өзгөрүшү мүмкүн экенин билдирген.