Үстүбүздөгү жылдын январь-апрель айларынын жыйынтыгы менен ички дүң продукциянын (ИДП) көлөмү алдын ала баалоолор боюнча 602,8 млрд сомду түздү. Бул 2025-жылдын ушул эле мезгилине салыштырмалуу 12,4%га жогору. Бул тууралуу бүгүн, 18-майда Министрлер кабинетинин төрагасы Адылбек Касымалиев аппараттык жыйында билдирди.

Минкаб башчысынын айтымында, экономика тармактары төмөнкүдөй өсүү көрсөткүчтөрүн көрсөткөн:

• Курулуш сектору — 72,8%;
• Өнөр жай — 14,7%;
• Тейлөө чөйрөсү — 7,2%;
• Айыл чарбасы — 3%.

Негизги капиталга инвестициялардын көлөмү 128,6 млрд сомду түзүп, 69,7%га өскөн. Касымалиев белгилегендей, инвестициянын көбөйүшү ички каржылоо булактарынын 1,6 эсеге жана тышкы булактардын 2,4 эсеге артышы менен камсыздалган.