Бишкекте алдамчылыкка шектелген жаран кармалды. Бул тууралуу Октябрь райондук милициясынан билдиришти.

Маалым болгондой, 2023-жылы 20-февралда шаар тургуну “жер там салып берем” деген адамга 12 миң 800 доллар берген. Бирок акчаны алган адам убадасын аткарбай, 12,8 миң долларды которуп салган. Ага байланыштуу алданган жаран 24-мартта милицияга кайрылган.

Аталган факт боюнча “алдамчылык” беренеси менен кылмыш иши козголгон.

Бул ишке шектүү катары 32 жаштагы Т.М. аттуу жаран кармалып, убактылуу кармоочу жайга камакка алынды.

Учурда анын ушул сыяктуу башка катыштыгы бар же жоктугу текшерилүүдө.

Милиция шектүүнүн кылмыштуу аракеттеринен жабыркагандар болсо, (550) 11 11 95, 0(702)  28 02 88, 0(700) 65 00 35 же 102 номерине кабар берүүсүн суранат.