19-январь күнү Бишкек-Торугарт жолунда унаа кырсыгы катталып, 2 киши каза болуп, 7 киши жаракат алды. Жол кыймылынын коопсуздугун камсыздоо башкармалыгынан билдиргендей, кырсык Ысык-Ата районунун Кең-Булуң айылында саат 21:30да болгон.

“Volkswagen Vento үлгүсүндөгү унаа каршы тилкеге чыга калып, Toyota Avensis унаасы менен кагышкан. Кырсыктын кесепетинен Volkswagen Vento`нун айдоосусу жана жүргүнчүсү окуя болгон жерде каза болгон. Дагы 7 адам ар кандай жаракаттарды алып, ооуканага жеткирилген”,-  деп жазылат маалыматта.

Белиглей кетсек, 18-январь күнү эртең менен Бишкектеги айланма жолдогу жол кырсыгы эки кишинин өмүрүн алган. Ошол эле күнү Бишкектин Элебесов жана Тульский көчөлөрүнүн кесилишиндеги жол кырсыгынан  үч адам каза болгон.