Ысык-Көлдө Өзгөчө кырдаалдар министрлигинин куткаруучулары дайынсыз жоголгон балыкчыларды издеп жатышат.

Маалым болгондой, Тоң районунун Кажы-Сай айылынын 1948-жылы туулган тургундары М.Ю.М. жана 1965-жылы туулган А.А. 14-декабрда балык уулоого чыгып, кайра кайтып келишкен эмес. Аталган жарандардын жакындары жардам сурап 16-декабрда кайрылышкан.

Ошол эле күнү окуя болгон жерге Тоң райондук ОИИБнин 7 куткаруучусу, РИИБдин 3 кызматкери жана 2 жергиликтүү тургун издөө иштерин жүргүзүшкөн. Издөө иштери саат 18:00гө чейин уланып, бирок натыйжа болгон эмес.

Бүгүн да издөө иштери уланууда. Ага ӨКМнин 1 кызматкери, 7 суучул жана 1 фельдшер тартылган.