4–12-сентябрь күндөрү Ысык-Көл жээгинде «Азия – кызматташтык жана тынчтыктын аймагы» урааны астында КМШ жана ШКУга мүчө өлкөлөрдүн XXIV Эл аралык спорттук оюндары өтөт.

Мелдешке 3 миңден ашуун спортчу келет. Алар салттуу жана улуттук спорттун түрлөрү боюнча күч сынашышат. Мелдештерден тышкары маданий программалар уюштурулат.

Бул мелдештерге Орусиядан, Казакстандан, Өзбекстандан, Тажикстандан, Түркмөнстандан, Азербайжандан, Беларусиядан келген спортчулар катышат. Ошондой эле туруктуу катышуучулардын катарында Кытай, Индия жана Монголиядан келген спортчулар да бар.