«Евразия KG» коомдук фонду, экологиялык активист Андрей Панаев, Чолпон-Ата шаардык мэриясы, «Тазалык» муниципалдык кызматы жана 50 волонтердун катышуусунда Ысык-Көлдүн жээгинде маасштабдуу экологиялык ишембилик өткөрүштү. Иш-чара Бүткүл дүйнөлүк тазалык күнүнө карата уюштурулду.

Жалпысынан үч чакырымдан ашык жээк жана Чолпон-Ата шаарынын паркы тазаланып, 100 кап таштанды чогултулду.

«Евразия KG» волонтерлорго, шаардык кызматтарга жана активдүү тургундарга ыраазычылык билдирип, алардын салымы келечектеги муундардын ден соолугуна жана Кыргызстандын экологиялык аң-сезиминин өнүгүшүнө чоң салым кошорун белгиледи.

Бул иш-чара Кыргызстандын бермети — Ысык-Көлдүн табиятын сактап калууга багытталган коомдук демилгелердин жаркын мисалы болуп калды.