Посмотреть эту публикацию в Instagram

Публикация от Reporter.kg (@reporter_kg)

Ысык-Көлдүн түндүк жээгиндеги Булан-Сөгөттү айылында күчтүү сел жүрдү. Ылай-таш аралашкан сел агымы «Аврора Плюс» эс алуу борборунун аймагындагы жолдун тилкесин тосуп калып, эс алуучулар бара жаткан бир нече унаанын кыймылын бөгөттөп койду.

Окуя болгон жерден тартылган видеону күбөлөр «Элдик репортер» рубрикасына жөнөтүшкөн. Кадрлардан унаа жолундагы сел калдыктарынан (кум-шагылдан) улам унаалар жолун уланта албай жатканын көрүүгө болот. Окуянын күбөлөрү башка айдоочуларды бул багытта бара жатканда өтө кунттуу жана этият болууга чакырышат.

Тиешелүү кызматтарга трассаны ыкчам тазалоо жана сел жүргөн аймактагы жарандардын коопсуздугун камсыз кылуу зарылдыгы тууралуу кабарланды. Учурда жабыркагандар жана келтирилген зыяндын көлөмү тууралуу маалыматтар такталууда.