Президенттин Ысык-Көл облусундагы өкүлчүлүгүнүн маалыматына караганда, эки күндүн ичинде көл жээгиндеги таштандыларга байланыштуу жалпы 320 миң сом өлчөмүндө айып салынды.

Ыкчам топтор жергиликтүү өз алдынча башкаруу органдары, экологиялык милиция жана экотехинспекция менен биргеликте 14 таштандыга толгон тилкенин үстүнөн рейд жүргүзүп, 63 протокол жана 49 акт түзгөн.

Өкүлчүлүк эс алуучуларды жана тургундарды көлдү сыйлоого чакырып, таштандыларды челекке таштап, таза абалды сактоого үндөдү.