Ысык-Көл көлүнө 3 миллион 700 миң даана карп-сазан балыгынын чабактары коё берилди. Иш-чараны Балык өнөр жайы комплекси департаментинин Тоң районундагы регионалдык аклиматташтыруу жана балык өндүрүү-өстүрүү бөлүмү өткөргөн.

Айыл чарба министрлигинин маалыматында ылайык, 9 миллион 300 миң икрадан 3 миллион 700 миң личинка өстүрүлгөн. Чабактар көлдүн төмөнкү участокторуна коё берилген:

• 13-участок — 1,5 миллион даана;
• 15-участок — 1 миллион даана;
• 17-участок — 1,2 миллион даана.

Мындан тышкары, Тоң балык чарбасынын көлмөлөрүндө дагы 1 миллион даана балык өстүрүлүп жатканы айтылды. Аларды 2026-жылдын күз мезгилинде көлгө коё берүү пландалууда.