Жалал-Абад облусунун тергөө изоляторунда камакта отурган 5 айым  тергөө абагынын кызматкери тарабынан кыйноого кабылганын  Кыйноолордун алдын алуу борборунун басма сөз кызматы кабарлады.

№ 53 убактылуу кармоочу жайдын кызматкери Ж.М.  аялдардын аярлуу жерин эркектердин көзүнчө кармап, күч колдонуп турчу. Сөз укпай койгондорун оор көнүгүүлөрдү жасатып, алы калбай калганча кыйнаганын айтып беришкен. Ошондой эле  мөөнөтү өтүп, эскирип кеткен тамак-аштар менен камсыздап, 80 граммдын ордуна ар бир жаранга 15 граммдан ашпаган эт берилип келгени аныкталган.