Жалал-Абад облусунда 17 кг баңгизат сатып жаткан жеринен эл аралык баңги топтун мүчөлөрү кармалды. Бул тууралуу УКМК билдирди.

Маалыматта айтылгандай, Кыргызстандын түштүк аймактарына жана Өзбекстанстанга сатуу үчүн баңгизаттарды Тажикстандан жеткирген канал аныкталган.

Жүргүзүлгөн ыкчам издөөнүң жыйынтыгында, Ноокен районунун Кыпчак-Талаа айылында жана Шамалды-Сай шаарында баңги заттын партиясын ташуу жана сатуу учурунда «К.Х.Ж.», «К.К.Т.», «М.А.М.» жана «У.Ж.У.» аттуу кыргызстандык жарандар, ошондой эле бул кылмыштуу схеманын уюштуруучусу болгон 50 жаштагы «Т.К.Б.» 17 кг салмактагы афган гашишинин ири партиясы менен кармалган.

Учурда тергөө иштери жүрүп жатат.