Жалал-Абадда автоунаалар үчүн жасалма химиялык каражаттарды чыгарган мыйзамсыз цех аныкталганын Салык кызматы маалымдады.

Цехтен болжол менен 45 тонна күмөндүү суюктук жана антифриз, айнек жуугуч сыяктуу даяр продукциялар табылган. Ошондой эле көп сандагы этикетка, капкак жана таралар болгон.

Өндүрүш калк жыш жайгашкан “Спутник-22” конушунда орун алып, өрт жана жарылуу коркунучу жогору экени аныкталган. Цехте уруксат кагаздары жок, бирок продукция белгилүү бренддердин атынан сатылганы белгилүү болду.