Экс-президент Сооронбай Жээнбеков кызматтан кетээр алдында жоюлган Улуттук коопсуздук мамлекеттик комитетинин Коррупцияга каршы кызматынын иши жандандырылды. Тиешелүү жарлыкка президентин милдетин аткаруучу Садыр Жапаров 16-октябрда кол койгон.

Ага ылайык бул кызматты жоюу боюнча 14-октябрда кол коюлган жарлык  күчүн жоготту деп табылат.

Коррупцияга каршы кызматтын ишин жандантуу боюнча УКМКга төмөнкү тапшырмалар берилген:

— Антикоррупциялык кызматтын иштөөсүн камсыз кылсын;

— Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.