Камбар-Ата-1 ГЭСин курууга 6 млрд долларга чейин кетиши мүмкүн. Бул тууралуу министрлер кабинетинин төрагасы Акылбек Жапаров бүгүн, 1-сентябрда Жогорку Кеңештин жыйынында билдирди.

Анын айтымында, бул долбоорго ири акча каражаттарын жумшоо зарыл болгондуктан бир топ мыйзамга өзгөртүү киргизүү керек болот.

“Биз Камбар-Ата-1 ГЭСи долбооруна кириштик. 2014-жылдын техникалык-экономикалык негиздемеси боюнча (чыгымы – ред.) 3 млрд доллар болгон. Андан кийин материалдардын баасы кескин өсүп кетти. Биздин эксперттердин болжолу боюнча ал 5 млрд доллардан 6 млрд долларга чейин кете турган чоң долбоор болуп жатат”, – деди ал.

Бардык жаңылыктар Телеграм каналда