Социалдык фондго акча төлөбөгөн жарандар, пенсия курагына жеткенде, пенсия берилбейт, анын ордуна жөлөкпул гана төлөнөт. Бул тууралуу бүгүн, 23-ноябрда Жогорку Кеңештин жыйынында министрлер кабинетинин төрагасы Акылбек Жапаров билдирди.

Жапаровдун айтымында, пенсиялык реформанын алкагында элдин аң-сезимине карылыкка кам көрүү ар бир адамдын өзүнүн жоопкерчилиги жана милдети деген түшүнүк киргизилет.

“Пенсиялык саясат өзгөрүш керек. Пенсиялык фондого акча которбой жүргөн жарандардын баары жаш курагы боюнча пенсия эмес, мындан ары жөлөкпул алышат. Ал эми карылыгын ойлоп, Соцфондго акча чегерген жарандардын пенсиясы жыл сайын көбөйүп турат”, – деди ал.

Биздин Телеграм каналга катталыңыз