Жасалма диплом менен иштеген кызматкерлердин барын кетирип жатабыз. Бул тууралуу Министрлер кабинетинин төрагасы Акылбек Жапаров бүгүн, 13-июнда митингчилер менен жолугушуу учурунда билдирди.

Анын айтымында, коррупцияга тиешеси бар адамдар казынага каражатты кайтарып берүүдө.

“Өткөн жылы коррупция менен күрөшүү иштеринин жыйынтыгында 7 млн 600 миң сом бюджетке түштү. Бул каражаттар эми майыптыгы бар адамдарга жана жардамга муктаж адамдарга жумшалат. Бул иштер дагы деле уланып жатат. Жасалма диплом менен иштеген бардык кызматкерлерди кетирип жатабыз”, – деди А.Жапаров.

Бүгүн өкмөт үйүнүн алдында бир учурда 3 митинг өттү.