Жарандык активист Адилет Али Мыктыбек 29-июлга чейин камакта калтырылды. Бул маалыматты Бишкек шаарынын Биринчи май райондук ички иштер бөлүмүнөн тастыкташты.

Маалыматка караганда, ал №1 тергөө абагына киргизилди.

Адилет Али Мыктыбек 30-июнда Биринчи май райондук ички иштер бөлүмү тарабынан кармалган. Милиция ага Кылмыш-жаза кодексинин “Массалык башаламандыктар” беренеси менен кылмыш ишин козгогон.

Жарандык активист Бишкектеги ар кандай нааразычылык акцияларды, митингдерди социалдык тармактарда түз эфир аркылуу чагылдырып жүрөт.