Үстүбүздөгү жылдын биринчи жарым жылдыгында өлкө боюнча 5 миң 800 чет элдик номурлуу унаа каттоодон өттү. Бул тууралуу Транспорт каражаттарын жана айдоочулук курамды каттоо агенттигинин директорунун орун басары Бакыт Насиров “Кабар” агенттигинде өткөн пресс-конференцияда билдирди.

Быйыл 31-мартта 2024-жылдын 31-декабрына чейин чыгарылган унааларды убактылуу каттоо тартиби киргизилген. Анда жарандарга чет элдик номурлуу унааларын мыйзамдаштыруу үчүн алты айлык мөөнөт берилген. Ал эми азыркы учурга карата мыйзамдаштырылган унаалардын жалпы саны 7 миң 192ге жетти.