.svg){kind=logo}
Кыргызстан жаныбарлардын өзгөчө коркунучтуу ооруларынан таза аймак деген эл аралык макамды алууну көздөөдө«Ынтымак» командасы Таласта көк бөрү боюнча Жеңиш кубогун жеңип алдыМинистрлер Кабинети үй-бүлөлүк зомбулуктан жапа чеккендерге жардам берүү үчүн «бирдиктүү терезе» принцибин киргизүүдөБишкекте кичи футбол боюнча «Евразия Кубогунун» экинчи турнири өттүБишкекте ШКУ өлкөлөрү «Жашыл технологиялык коридорду» түзүүнү макулдашышты«Амели» тасмасынын жылдызы Одри Тоту Бишкектеги кинофестивалдын ардактуу коногу болот
Жасалма диплом: Ленин райондук сотунун судьясына иш козголду
05.07.2022 | 15:14
Ленин райондук сотунун судьясы дипломду мыйзамсыз алганы боюнча кылмыш иши козголду. Бул тууралуу ИИМдин басма сөз кызматы билдирди.
Маалыматка караганда, 4-июлда УКМК тарабынан Бишкек шаарынын Ленин райондук сотунун судьясы Т.М. жогорку билими тууралуу дипломду мыйзамсыз алуу фактысы боюнча Кылмыш-жаза кодексинин 337-беренесинин 2-бөлүмүнүн (Кызмат абалынан кыянаттык менен пайдалануу) негизинде кылмыш иши козголду.
2003-жылы Т.М. КУУнун экономика факультетинин 3-курсунда окуп жүрүп, ушул эле окуу жайдын юридикалык факультетинин 1-курсуна мыйзамсыз түрдө тапшырган.
Учурда тиешелүү ыкчам-тергөө иш-чаралары, анын ичинде судья Т.М. жогорку билими тууралуу жасалма дипломду пайдалануу фактысын аныктоо иштери жүргүзүлүүдө.
Рубрики: Жаңылыктар, Коом
