Оштун Кара-Суу районунда жайыт жерлерди мыйзамсыз бөлүштүрүү фактысы аныкталды. Бул тууралуу ИИМдин басма сөз кызматы билдирди.

Маалыматка ылайык, Баш-Булак айыл аймагындагы 12,29 гектарды түзгөн таза жайыт жер трансформациядан өтпөгөнүнө карабастан, мыйзамсыз бөлүштүрүлгөн. 27 жаранга 600 чарчы метрден жер жеке турак жай куруу үчүн берилген. Натыйжада мамлекетке 13 млн 770 миң сомдук зыян келтирилген.

Бул факты боюнча Кылмыш-жаза кодексинин «Кызмат абалын кыянаттык менен пайдалануу» беренеси менен кылмыш иши козголгон.

Шектүү катары Катта-Талдык айыл өкмөтүнүн мурдагы башчысы Ж.К., жер-адиси С.Б, мамлекеттик курулуш департаментинин түштүк региону боюнча адиси К.А. кармалып, камакка алынышкан.

Учурда тергөө иштери улантылууда.