Курманбек Сокеев Жазаларды аткаруу мамлекеттик кызматынын төрагасынын орун басары – Кайтаруу жана конвой департаментинин башчысы кызмат ордунан бошотулду. Бул тууралуу Министрлер кабинети билдирди.

Тиешелүү тескемеге өкмөт башчы Адылбек Касымалиев кол койду.

51 жаштагы Сокеев аталган кызматка 2025-жылдын 7-апрелинде дайындалган. Ал эмне себептен кызматтан бошотулганы тууралуу маалымат берилген жок.