Жазуучу, публицист Олжобай Шакир пробация менен абактан чыгарылды. Бул тууралуу Жогорку соттон билдиришти.

Белгилүү болгондой, Олжобай Шакир «массалык башаламандыктарга чакырык жасоого» айыпталып жаткан. Ал былтыр августта УКМК тарабынан кармалып, тергөө абагына камакка алынган.

Быйыл 14-майда Аламүдүн райондук сот жазуучуну күнөөлүү деп таап, 5 жылга абакка кескен. 15-июлда Чүй облустук соту ал өкүмдү күчүндө калтырган.

Ал эми бүгүн, 8-октябрда Жогорку сот Олжобай Шакирди күнөөлүү деп таап, ошол эле учурда эркиндигинен ажыратуу жазасынан бошотту. Жазуучуга 3 жылдык пробация берилди. Жогорку соттун токтому өкүм угузулгандан кийин дароо күчүнө киргендиктен, Олжобай Шакир камактан бүгүн чыгат.