Кыргызстандын Тышкы иштер министри Жээнбек Кулубаев күн мурун БУУнун Башкы Ассамблеясынын талаш-тартыштарды тынчтык жолу менен жөнгө салууда жана чыр-чатактардын алдын алууда ортомчулуктун ролуна арналган дебаттарына катышты, деп билдирет КР ТИМдин басма сөз кызматы.

Ал коопсуздукту бекемдөө боюнча аймактык аракеттерди жана Борбордук Азия мамлекеттеринин чек ара маселелерин тынчтык жолу менен жөнгө салуудагы жетишкендиктерин белгиледи.

БУУнун Башкы Ассамблеясы «Чек ара талаш-тартыштарын тынчтык жолу менен чечүү» резолюциясын бир добуштан кабыл алды, бул аймактагы өлкөлөрдүн ийгиликтеринин далили болду.

Жээнбек Кулубаев ошондой эле Кыргызстандын тынчтыкты жана ишенимди бекемдөө максатында кызматташууга даяр экенин ырастады.