.svg){kind=logo}
«А.З.А.» К.Көлбаевдин уюшкан кылмыштуу топтун мүчөлөрүнө Досоновдун акча уурдаганы тууралуу маалыматты билдирүүнү каалагандыктан, Досонов өзүнүн кол астындагыларга аны өлтүрүүгө көрсөтмө берген.
Наманган менен Кыргызстан 55 млн долларлык фармацевтика өндүрүшүн биргелешип ишке ашырууну пландоодоКыргызстанда браконьерлик үчүн жаза күчөтүлдү — президент мыйзамга кол койдуКыргызстан күйүүчү майдын баасын субсидиялоодо: мамлекеттик колдоо болбосо бензиндин баасы 105 сомго жетмекУлугбек Мамыралиев «Электр станциялары» ААКын жетектеди — ал тууралуу эмнелер белгилүүӨзбекстан–Кыргызстан өнүктүрүү фонду төрт жылда 100 млн долларлык 37 долбоорду жактырды17 миңден ашуун кыргызстандык гепатиттен акысыз дарыланууда — Саламаттык сактоо министрлиги
“Женго” буюртма берген. 10 жыл мурунку киши өлтүрүү фактысынын бети ачылды
01.04.2025 | 15:35
УКМК 10 жыл мурун Кадыр Досоновдун буюртмасы менен аткарылган киши өлтүрүү кылмышынын бети ачылганын кабарлады.
Маалыматта айтылгандай, 2015-жылдын 7-августунда Ош шаарынын тергөө абагында 45 жаштагы А.З.А. аттуу жарандын өлтүрүлүшү боюнча УКМК ушул жылы кылмыш ишин козгогон.
Иликтөөнүн жүрүшүндө, бул өлтүрүү «Женго» каймана аты менен белгилүү болгон Кадыр Досоновдун буюртмасы менен болгону, ал эми өлтүрүлгөн жаран Ош облусунун Кара-Суу районунун тургуну экендиги, ал Камчы Көлбаевдин уюшкан кылмыштуу тобунда болгондугу аныкталган.
Тергөөдө К.Досонов менен А.З.А. кастык мамиледе болгондугу белгилүү болгон. Буга «общак» деп аталган кылмыштуу биримдиктин жалпы каражатынан К.Досоновдун акча өздөштүрүп алганын маркум А.З.А.нын билгендиги себеп болгон.
Мындан улам 2015-жылдын 7-августунда соттолгон Жалал-абад облусунун 39 жаштагы тургундары А.Р.Ш. менен Ю.Б.Н. жана Ош облусунун 39 жаштагы тургуну Д.А.Д. А.З.А.га күч колдонуп, анын тамырына чоң көлөмдө «героин» баңгизатын сайышкан. Натыйжада ал ошол жерде каза болгон.
Атайын кызмат бул кылмышка пенитенциардык тутумдун кызматкерлеринин да катыштыгы бар-жогу текшерилип жаткандыгын билдирди. Анткени 2015-жылдан бери А.З.А.нын өлтүрүлүшү жашырылып, расмий түрдө өлүмгө баңгизаттарды ашыкча колдонуу себеп болгон деп көрсөтүлүп келген.
Учурда тергөө иши уланууда.
