Маданият министрлигине караштуу Кинематография департаментинин “Кыргызсериал” мекемеси Улуу Ата Мекендик согуштагы Жеңиштин 80 жылдыгына карата тарыхий көркөм сериал тартууга тендер жарыялады. Бул тууралуу Мамлекеттик сатып алуулар порталында айтылат.

Тасма 8 сериядан туруп, ар биринин узактыгы 45-50 мүнөттөн болушу керек. Жеңиштин 80 жылдыгына арналып тартылган тасмада фашисттик баскынчыларга каршы согуштагы кыргызстандык жоокер аялдардын эрдиги чагылдырылышы керек. Аны тартууга 40 млн сом каралган.

Тендер боюнча арыздар 5-мартка чейин кабыл алынат.