Кыргыз геология кызматы жер казынасын пайдалануу укугун электрондук тооруктар аркылуу берүү боюнча пилоттук долбоорду ишке киргизди.

Эми документтерди тапшыруудан баштап соодага катышууга чейинки бардык жараян бирдиктүү электрондук системада өтөт. Санариптештирүүнүн башкы максаты — кен чыккан жерлерди бөлүштүрүүнү болушунча ачык-айкын кылуу, атаандаштыкты күчөтүү жана жер казынасын пайдалануучуларды ашыкча бюрократиядан арылтуу.

Кызыкдар ишкерлер жана ишканалар аукциондун эрежелери, сатыкка коюлган тилкелер жана ага катышуу тартиби менен электрондук аукциондордун атайын порталынан тааныша алышат.