Бишкекте жаңы типтеги кошумча секциясы бар светофорлор пайда болду. Милициянын кайгуул кызматы башкармалыгы (МККБ) айдоочуларга алардан өтүү эрежелерин, жаңы светофорлордогу кошумча секциянын кызыл тегерек сигналы эмнени түшүндүрөрүн жана кайсы багыттарга жүрүүгө уруксат экенин түшүндүрүп берди.

Посмотреть эту публикацию в Instagram

Публикация от Reporter.kg (@reporter_kg)

Мекемеден билдиришкендей, эгерде негизги светофордо жашыл жарык күйүп турса, бардык багыттарга — түз, оңго, солго жана артка бурулууга (кайрылууга) уруксат берилет. Ошол эле учурда, негизги светофордун жанында жайгашкан кызыл тегерек сигнал негизги жашыл жарык күйүп турганда жүрүүгө тыюу салбайт. Ал болгону кошумча секциянын бар экенин гана билдирет.

МККБ айдоочуларды мындай светофорлорду уруксат берилген багыттар жебе (стрелка) менен көрсөтүлгөн контурдук светофорлор менен чаташтырбоого чакырат.