Азамат Саралаев Айыл чарба министрлигине караштуу Жерди жана сууну көзөмөлдөө кызматынын жетекчиси болуп дайындалды. Бул тууралуу аталган министрликтин маалымат кызматы кабарлады.

34 жаштагы Азамат Саралаев Юридикалык академияны аяктаган. Ал 2016 – 2021- жылдары Экологиялык жана техникалык коопсуздук боюнча инспекциясында инспектор, улук инспектор, башкы инспектор жана бөлүм башчы болуп эмгектенген.

2021 – 2022-жылдары Айыл чарба министрлигине караштуу Жер жана суу мамлекеттик инспекциясында директордун орун басары, ал эми 2022-жылдын март айынан  тарта Жерди жана сууну көзөмөлдөө боюнча кызматта директордун орун басары болуп иштеген.