ЖККУнун Башкы катчысы Таалатбек Масадыков украин дронунун Беларустун балдар футбол командасы бараткан автобуска жасаган соккусун айыптады.

«ЖККУ Катчылыгынын атынан Брянск облусунда болгон украин дронунун беларустук жарандарды, анын ичинде балдарды ташып бараткан автобуска жасаган соккусуна байланыштуу беларустук кесиптештерге терең кайгыруу менен көңүл айтам... Бул кылмыштуу аракетти айыптайм. Тынч жашаган калкка, өзгөчө балдарга каршы мындай аракеттерди актоого мүмкүн эмес жана ага эч кандай шылтоо болушу мүмкүн эмес деп ишенем», — деп айтылат уюмдун расмий сайтында жарыяланган катчынын билдирүүсүндө.

Масадыков ошондой эле жабыркагандардын тезирээк сакайып кетишин каалады.

Эске салсак, шаршемби күнү Украинанын куралдуу күчтөрү учак тибиндеги учкучсуз учуучу аппараттын жардамы менен Геленджикке эс алууга бараткан балдардын автобусуна чабуул жасаганын билдирген. Команданы коштоп жүргөн аял — машыктыруучулардын биринин жубайы каза болду. Анын артында эки баласы калды.

Беларустун Саламаттыкты сактоо министрлигинин маалыматы боюнча, чабуулдун кесепетинен сегиз адам, анын ичинде алты бала ар кандай даражадагы жаракаттарды алышкан. Орусиянын Тергөө комитети теракт беренеси боюнча кылмыш ишин козгоду.