2026-жылкы Жалпы республикалык тестирлөөнүн (ЖРТ) жыйынтыгы боюнча 55 бүтүрүүчү эң жогорку упай топтоп, «Алтын сертификат» алуу укугуна ээ болду. Бул тууралуу Агартуу министрлиги билдирди.

Быйылкы тестирлөөдө эң жогорку упайды эки окуучу алды. Алар экөө тең 239 упай топтошкон:

1. Айдай Абылаева — Нарын облусу, Н. Жундубаева атындагы жалпы билим берүү мектеби;
2. Сезимай Акматова — Баткен облусу, Баткен облустук мектеп-гимназия интернаты.

Ал эми аймактар боюнча жогорку упай алган окуучулардын саны төмөндөгүдөй:

• Бишкек шаары — 34;
• Чүй облусу — 5;
• Жалал-Абад облусу — 4;
• Ысык-Көл облусу — 4;
• Баткен облусу — 3;
• Нарын облусу — 2;
• Ош шаары — 1;
• Ош облусу — 1;
• Орусиядагы мектептерден — 1.

Белгилей кетсек, «Алтын сертификат» бүтүрүүчүлөр өлкөнүн жогорку окуу жайларына жеңилдетилген шартта кабыл алуу укугуна ээ болушат.