Бүгүн, 8-ноябрь күнү Бишкек шаарынын Ак-Өргө конушунда 12 жаштагы өспүрүм жогорку чыңалуудагы электр мамыга чыгып алган. Бул туурасунда шаардык милициядан кабарлашты.

Маалыматка караганда,  саат 15:00дөр чамасында Бишкек ШИИББинин нөөмөт бөлүмүнө 102 номуру аркылуу жашы жете элек бала Ак-Өргө жаңы конушунда жайгашкан бийик вольттогу электр мамыга чыгып кеткендиги тууралуу маалымат келип түшкөн.

Окуя болгон жерге Бишкек шаарынын Ленин райондук ички иштер башкармалыгынын тергөө-ыкчам тобу барып анын жашы жете элек С.Н. экенин аныкташкан. Ал кооптуу жайдан алып, ата-энесине аман-эсен өткөрүп беришкен.

Бул факты Ленин районунун ИИБ тарабынан катталып, тергөөгө чейинки текшерүү иштери башталган.

Биздин Телеграм каналга катталыңыз