Бишкекте жол кире акысы 40-50 сом болгон VIP кичи автобустарды каттамга чыгаруу пландалууда. Бул тууралуу мэриянын Транспорт департаментинин директору Максат Нусубалиев бүгүн, 27-сентябрда парламенттин Транспорт, коммуникациялар, архитектура жана курулуш боюнча комитетинин жыйынында билдирди.

Отурумда депутат Дастан Бекешев Бишкектеги коомдук унаалар боюнча маселени көтөрүп, каттамга жол кире акысы 30-40 сом болгон, ыңгайлуу, шарттары бар кичи автобустарды каттамга чыгарууна сунуштады.

Нусубалиев бул багытта иш алынып барып жатканын айтып, шаарда VIP кичи автобустар пайда болушу мүмкүн экенин билдирди.

“Бул долбоор макулдашылып жатат. Жакында шаардык кеңештин кароосуна киргизилет”, – деди ал.

Биздин Телеграм каналга катталыңыз